“Рейнжерс” ҳимоячиси Жеймс Тавернье жорий мавсум Европа Лигасининг энг яхши тўпурари бўлишга яқин турибди.

Англиялик ўнг қанот ҳимоячиси бугун Европа Лигаси мусобақасида "Лейпциг" дарвозасига ўзининг еттинчи голини урди ва финал олдидан тўпурарлар пойгасида яккама-якка пешқадамга айланиб олди. 30 ёшли “Рейнжерс” сардорининг 7 та голидан 4таси пенальтидан киритилди.

Таверньенинг энг яқин таъқибчилари “Лион” аъзоси Карл Токо Экамби ва “Порту” футболчиси Галенолар олтитадан гол уришга муваффақ бўлишди, бироқ уларнинг жамоалари аллақачон турнирдаги фаолиятини якунлаган.

“Айнтрахт” жамоаси футболчиси Даита Камада “Рейнжерс” ҳимоячисига етиб олиш учун назарий имкониятга эга – бунинг учун япониялик футболчи финалда хет-трик қайд этиши керак.

“Рейнжерс” ва “Айнтрахт” ўртасидаги Европа лигаси финали 18 май куни Севилья шаҳрида бўлиб ўтади.