Dortmundning “Borussiya” klubi “Zalsburg” hujumchisi Karim Adeyemi bilan 5 yillik shartnoma imzoladi. Bu haqda jurnalist Nikolo Skira xabar berdi.

Manbaga ko‘ra, 20 yoshli futbolchi yozgi transfer oynasida Dortmundni tark etishi mumkin bo‘lgan Erling Xolandning o‘rnini egallaydi.

Oldinroq “Zalsburg” Adeyemi transferi uchun 35 million yevro so‘ragani, “Borussiya” esa o‘z navbatida forvard uchun 30 million yevro va bonuslar to‘lashga tayyorligini ma’lum qilgan edi.

Qayd etilishicha, "asalarilar" Karimga yiliga 5 million yevro maosh taklif qilgan. Transfermarkt ma’lumotlariga ko‘ra, futbolchining bozor qiymati 20 million yevroni tashkil qiladi.