Дортмунднинг “Боруссия” клуби “Зальцбург” ҳужумчиси Карим Адейеми билан 5 йиллик шартнома имзолади. Бу ҳақда журналист Николо Скира хабар берди.
Манбага кўра, 20 ёшли футболчи ёзги трансфер ойнасида Дортмундни тарк этиши мумкин бўлган Эрлинг Холанднинг ўрнини эгаллайди.
Олдинроқ “Зальцбург” Адейеми трансфери учун 35 миллион евро сўрагани, “Боруссия” эса ўз навбатида форвард учун 30 миллион евро ва бонуслар тўлашга тайёрлигини маълум қилган эди.
Қайд этилишича, "асаларилар" Каримга йилига 5 миллион евро маош таклиф қилган. Transfermarkt маълумотларига кўра, футболчининг бозор қиймати 20 миллион еврони ташкил қилади.
