Turinning "Yuventus" klubi vise-prezidenti Pavel Nedved jamoa hujumchisi Moyze Kin haqida gapirdi.

"Moyze Kin? Biz uning bir mavsumda 25 ta gol urishini istaymiz, u ulkan salohiyatga ega hujumchi”, - deya Nedvedning so‘zlaridan iqtibos keltirgan jurnalist Fabrisio Romano.

Ma’lumot uchun, 22 yoshli Kin “Yuventus” tarbiyalanuachisi hisoblanadi. U 2019 yilda jamoani tark etib, Angliyaning "Everton" klubiga o‘tgandi. Shuningdek, italiyalik futbolchi Fransiyaning "PSJ" klubida ham ijara asosida faoliyat olib bordi. "Everton" va Kin o‘rtasidagi kelishuv 2023 yilda yakuniga yetadi.

Manbaga ko‘ra, Turin superklubi Kinning transfer huquqlarini to‘liq sotib oladi.

Joriy mavsumda forvard barcha musobaqalarda 40 ta o‘yinda 6ta gol urdi va 2 ta golga assistentlik qildi. Uning bozor qiymati Transfermart tomonidan 28 million yevroga baholangan.