Туриннинг "Ювентус" клуби вице-президенти Павел Недвед жамоа ҳужумчиси Мойзе Кин ҳақида гапирди.
"Мойзе Кин? Биз унинг бир мавсумда 25 та гол уришини истаймиз, у улкан салоҳиятга эга ҳужумчи”, - дея Недведнинг сўзларидан иқтибос келтирган журналист Фабрицио Романо.
Маълумот учун, 22 ёшли Кин “Ювентус” тарбиялануачиси ҳисобланади. У 2019 йилда жамоани тарк этиб, Англиянинг "Эвертон" клубига ўтганди. Шунингдек, италиялик футболчи Франциянинг "ПСЖ" клубида ҳам ижара асосида фаолият олиб борди. "Эвертон" ва Кин ўртасидаги келишув 2023 йилда якунига етади.
Манбага кўра, Турин суперклуби Киннинг трансфер ҳуқуқларини тўлиқ сотиб олади.
Жорий мавсумда форвард барча мусобақаларда 40 та ўйинда 6та гол урди ва 2 та голга ассистентлик қилди. Унинг бозор қиймати Transfermart томонидан 28 миллион еврога баҳоланган.
