“Milan” hujumchisi Olivye Jiru Italiya futbolida kimlarni o‘zining kumiri deb bilishini aytdi.
“20 yoshimda sochimni o‘stirdim, Fabio Kannavaro yoki Alessandro Nesta kabi bo‘lishni xohlardim. 1994-yili Roberto Badjo penaltidan foydalana olmaganida yig‘lagandim.
Men doim Angliyada o‘ynashni xohlardim, lekin Italiyada menga Milan yoqdi. Andriy Shevchenko mening sevimli hujumchim bo‘lgan. Men Marko van Bastenning ko‘plab videolarni ham tomosha qilganman", - deya Jiruning so‘zlarini keltiradi L'Equipe.
Fransiyalik futbolchi 2021 yilning yozida "Chelsi"dan "Milan"ga ko‘chib o‘tgandi. 35 yoshli hujumchi joriy mavsum A Seriyada 26 ta o‘yinda maydonga tushib, 9 ta gol va 3 ta golli uzatmani amalga oshirdi.
