“Милан” ҳужумчиси Оливье Жиру Италия футболида кимларни ўзининг кумири деб билишини айтди.
“20 ёшимда сочимни ўстирдим, Фабио Каннаваро ёки Алессандро Неста каби бўлишни хоҳлардим. 1994-йили Роберто Баджо пенальтидан фойдалана олмаганида йиғлагандим.
Мен доим Англияда ўйнашни хоҳлардим, лекин Италияда менга Милан ёқди. Андрий Шевченко менинг севимли ҳужумчим бўлган. Мен Марко ван Бастеннинг кўплаб видеоларни ҳам томоша қилганман", - дея Жирунинг сўзларини келтиради L'Equipe.
Франциялик футболчи 2021 йилнинг ёзида "Челси"дан "Милан"га кўчиб ўтганди. 35 ёшли ҳужумчи жорий мавсум А Серияда 26 та ўйинда майдонга тушиб, 9 та гол ва 3 та голли узатмани амалга оширди.
