"Real" bosh murabbiyi Karlo Anchelotti ukrainalik darvozabon Andrey Lunin "qaymoqranglilar"ning "Atletiko"ga qarshi Ispaniya La ligasining 35-turi doirasidagi o‘yinda asosiy tarkibda maydonga tushishini aytdi.
"Lunin o‘ynaydi, lekin Alaba, Azar, Beyl va Isko o‘ynamaydi", - dedi Anchelotti o‘yinoldi matbuot anjumanida.
Eslatib o‘tamiz, ushbu o‘yin 23 yoshli darvozabon uchun “Real” safida Ispaniya chempionatidagi debyuti bo‘ladi. Futbolchi 2018 yildan beri Madrid klubi safida to‘p tepmoqda. Avvalroq ukrainalik futbolchi faqat kubok bahslarida ispan grandi libosida maydonga tushgandi.
"Atletiko Madrid" - "Real Madrid" uchrashuvi ertaga, 8 may kuni bo‘lib o‘tadi. Uchrashuv Toshkent vaqti bilan soat 00:00da boshlanadi.
