"Реал" бош мураббийи Карло Анчелотти украиналик дарвозабон Андрей Лунин "қаймоқранглилар"нинг "Атлетико"га қарши Испания Ла лигасининг 35-тури доирасидаги ўйинда асосий таркибда майдонга тушишини айтди.
"Лунин ўйнайди, лекин Алаба, Азар, Бэйл ва Иско ўйнамайди", - деди Анчелотти ўйинолди матбуот анжуманида.
Эслатиб ўтамиз, ушбу ўйин 23 ёшли дарвозабон учун “Реал” сафида Испания чемпионатидаги дебюти бўлади. Футболчи 2018 йилдан бери Мадрид клуби сафида тўп тепмоқда. Аввалроқ украиналик футболчи фақат кубок баҳсларида испан гранди либосида майдонга тушганди.
Эслатиб ўтамиз, "Реал Мадрид" муддатидан аввал чемпионликни қўлга киритди. Ла Лиганинг жорий мавсум якунига қадар "қаймоқранглилар"нинг тўртта учрашуви бор.
"Атлетико Мадрид" - "Реал Мадрид" учрашуви эртага, 8 май куни бўлиб ўтади. Учрашув Тошкент вақти билан соат 00:00да бошланади.
