"Tottenxem" bosh murabbiyi Antonio Konte jamoaning so‘nggi paytlardagi o‘yinida pasayish bo‘lgani haqida gapirdi. Ketma-ket g‘alabalardan so‘ng “shporlar” avvaliga “Brayton”dan mag‘lub bo‘ldi (0:1), keyin esa “Brentford”ni mag‘lub eta olmadi (0:0). Oxirgi turda londonliklar yana “Lester”ni mag‘lub etib (3:1) uch ochkoga ega bo‘lishdi.
“Bu ko‘p sabablarga ko‘ra sodir bo‘lishi mumkin. Ehtimol, ko‘proq bosim bor.
Siz bunday bosimga ko‘nikishingiz kerak. “Brayton” va “Brentford”ga qarshi o‘yinlardan oldin biz yuqori o‘rinda edik, ammo keyin kuchli 4likdan tushib kettik.
Lekin o‘ylaymanki, bu jamoa har tomonlama yaxshilanmoqda, jumladan, bosim ostida o‘ynash borasida ham o‘smoqda. Ko‘pchilik bizda g‘alaba qozonish mentaliteti yo‘qligi haqida gapirishadi. Menimcha, g‘alaba qozonishni boshlaganingizdan so‘ng siz darhol o‘sha mentalitetga ega jamoaga aylanasiz", - deya Kontening so‘zlarini keltiradi Goal.
