“Andijon” – “Mash’al” (2:1) o‘rtasidagi uchrashuvdan keyin mehmonlar ustozi Dilyaver Vaniyev matbuot anjumanida qatnashdi.
- Turning markaziy o‘yini va juda og‘ir uchrashuv bo‘ldi deb o‘ylayman. Bellashuvning oxirida xatoliklarga yo‘l qo‘ydik va standart vaziyatlarda ham shunday kamchiliklarimiz bo‘ldi. “Andijon” esa o‘tgan turda “Turon” bilan bahsda ham oxirgi daqiqalarda g‘alabani ilib ketgandi. Bugun alamli mag‘lubiyatga uchradik. O‘ylaymanki, o‘yinimiz bo‘yicha mag‘lubiyatga loyiq emasdik. Darvozamizdan nima uchun gol o‘tkazganimizni tahlil qilamiz. Keyingi tur o‘yinlariga tayyorgarlik ko‘ramiz.
- Hakamlar haqida fikringiz qanday?
- Hakamlarga keskin darajada e’tirozim yo‘q. Mayda xatoliklar yuz berdi, ammo jiddiy xatolar hakamlar tomonidan sodir etilmadi, deb o‘ylayman. Sariq kartochkalar bo‘yicha holat menga biroz shubhalikka o‘xshadi. Ammo jiddiy xatolarga yo‘l qo‘yishmadi.
