"Manchester Yunayted" yarim himoyachisi Pol Pogba "PSJ"ning yozgi transfer oynasidagi asosiy maqsadi, deya xabar beradi Le Parisen.
Oldinroq futbolchiga "Yuventus" va "Manchester Siti" klublari qiziqish bildirayotgani haqida ma’lumotlar paydo bo‘lgandi.
29 yoshli futbolchining o‘zi "Manchester Yunayted"ni tark etish niyatida, biroq u mavsum yakunlanganidan keyin faoliyatini qaysi klubda davom ettirishini hal qiladi.
Joriy mavsumda Pogba “Manchester Yunayted” safida 27 ta o‘yinda maydonga tushib, 1 ta gol urdi va 9 ta golli uzatmani amalga oshirdi. Yarim himoyachining “qizil iblislar” bilan shartnomasi 2022 yilning 30 iyuniga qadar amal qiladi.