"Манчестер Юнайтед" ярим ҳимоячиси Поль Погба "ПСЖ"нинг ёзги трансфер ойнасидаги асосий мақсади, дея хабар беради Le Parisen.
Олдинроқ футболчига "Ювентус" ва "Манчестер Сити" клублари қизиқиш билдираётгани ҳақида маълумотлар пайдо бўлганди.
29 ёшли футболчининг ўзи "Манчестер Юнайтед"ни тарк этиш ниятида, бироқ у мавсум якунланганидан кейин фаолиятини қайси клубда давом эттиришини ҳал қилади.
Жорий мавсумда Погба “Манчестер Юнайтед” сафида 27 та ўйинда майдонга тушиб, 1 та гол урди ва 9 та голли узатмани амалга оширди. Ярим ҳимоячининг “қизил иблислар” билан шартномаси 2022 йилнинг 30 июнига қадар амал қилади.
