Bugun Jizzax futbol mahorat maktabida zamonaviy futzal zalining ochilish marosimi o‘tkazildi.
Zamonaviy ko‘rinishga ega mazkur maktab zalining ochilish marosimida Jizzax viloyati hokimi Ergash Saliyev, O‘FA vise-prezidenti Odil Ahmedov, O‘zPFL bosh direktori Diyor Imomxo‘jayev, shuningdek, o‘zbek futboli faxriylari va keng jamoatchilik vakillari ishtirok etdi.
Tantanali ravishda o‘tgan tadbirlardan so‘ng, yangi majmuada futzal bo‘yicha O‘zbekiston chempionati 11-turdan o‘rin olgan “Jizzax Kenteks” va “Navbahor” uchrashuvi bo‘lib o‘tdi.