Бугун Жиззах футбол маҳорат мактабида замонавий футзал залининг очилиш маросими ўтказилди.
Замонавий кўринишга эга мазкур мактаб залининг очилиш маросимида Жиззах вилояти ҳокими Эргаш Салиев, ЎФА вице-президенти Одил Аҳмедов, ЎзПФЛ бош директори Диёр Имомхўжаев, шунингдек, ўзбек футболи фахрийлари ва кенг жамоатчилик вакиллари иштирок этди.
Тантанали равишда ўтган тадбирлардан сўнг, янги мажмуада футзал бўйича Ўзбекистон чемпионати 11-турдан ўрин олган “Жиззах Кентекс” ва “Навбаҳор” учрашуви бўлиб ўтди.