Manbaga ko‘ra, Krishtianu Ronaldu jamoadoshlariga "Manchester Yunayted" bilan 2023 yilning yoziga qadar hisoblangan shartnomasini oxirigacha tugatib qo‘yish niyatini aytgan.
“Qizil iblislar” mavsumni omadsiz o‘tkazdi, Chempionlar ligasining navbatdagi mavsumida ishtirok eta olmaydi, bu esa Ronalduning “Old Trafford”dagi kelajagiga shubha uyg‘otdi. Biroq, The Sun xabariga ko‘ra, 37 yoshli portugaliyalik jamoadoshlariga agar yangi bosh murabbiy Erik Ten Xag shaxsan o‘zi buni so‘ramasa, bu yozda jamoani tark etmasligini aytgan.
