“Leypsig” klubi yarim himoyachisi Kristofer Nkunku yozgi transfer oynasida Angliya chempionatiga o‘tishi mumkin.

BBC xabariga ko‘ra, 24 yoshli fransiyaslik futbolchi shu yil yozda nemis jamoasini tark etishi mumkin. London klublari, ya’ni "Arsenal" va "Chelsi" Nkunku xizmatlariga katta qiziqish bildirmoqda.

Eslatib o‘tamiz, yarim himoyachi uchun “Manchester Yunayted”, “PSJ” va boshqa ko‘plab taniqli top-jamoalar ham da’vogarlik qilishmoqda.

Joriy mavsumda Kristofer Nkunku Germaniya chempionatida 33ta o‘yin o‘tkazib, 20ta gol va 13ta golga assistentlik qilgan.