"Arsenal" "Manchester Siti" yarim himoyachisi Raxim Sterlingga qiziqish bildirmoqda, deb xabar beradi The Telegraph.

Manbaning xabariga ko‘ra, 27 yoshli angliyalik hozirgi jamoasi bilan kelasi yozda tugaydigan shartnomasini uzaytirish borasida kelisha olmayapti. Shu bois, “shaharliklar” rahbariyati o‘z futbolchisini bir yildan keyin tekinga qo‘ldan chiqarmaslik uchun uni sotishga harakat qilishi mumkin. Transfermarkt angliyalik vingerni 85 million yevroga baholamoqda.

Sterling joriy mavsumda “shaharliklar” safida 45 ta o‘yinda maydonga tushib, 16 ta gol va 7 ta golga assistentlik qildi.