"Арсенал" "Манчестер Сити" ярим ҳимоячиси Рахим Стерлингга қизиқиш билдирмоқда, деб хабар беради The Telegraph.

Манбанинг хабарига кўра, 27 ёшли англиялик ҳозирги жамоаси билан келаси ёзда тугайдиган шартномасини узайтириш борасида келиша олмаяпти. Шу боис, “шаҳарликлар” раҳбарияти ўз футболчисини бир йилдан кейин текинга қўлдан чиқармаслик учун уни сотишга ҳаракат қилиши мумкин. Трансфермаркт англиялик вингерни 85 миллион еврога баҳоламоқда.

Стерлинг жорий мавсумда “шаҳарликлар” сафида 45 та ўйинда майдонга тушиб, 16 та гол ва 7 та голга ассистентлик қилди.