"Barselona" Dortmundning "Borussiya" klubi himoyachisi Rafael Gerreyroni 2023 yilda tekinga qo‘lga kiritmoqchi.

Gerreyro 2016 yilning iyul oyida "Loryan"dan "Borussiya"ga o‘tgan va o‘shandan beri o‘zini Yevropaning eng yaxshi chap qanot himoyachilaridan biri sifatida ko‘rsatib kelmoqda. Futbolchining shartnomasi bir yildan keyin tugaydi, bu esa etakchi klublarning qiziqishiga sabab bo‘lgan.

Kataloniyaliklar Gerreyroni 30 yoshdan oshgan Jordi Albaning o‘rnini bosuvchi futbolchi sifatida ko‘rmoqda.

Joriy mavsumda futbolchi Bundesligada 22 ta o‘yin o‘tkazib, 4 ta gol va 2 ta golli uzatmani amalga oshirdi.