"Барселона" Дортмунднинг "Боруссия" клуби ҳимоячиси Рафаэль Геррейрони 2023 йилда текинга қўлга киритмоқчи.
Геррейро 2016 йилнинг июль ойида "Лорьян"дан "Боруссия"га ўтган ва ўшандан бери ўзини Европанинг энг яхши чап қанот ҳимоячиларидан бири сифатида кўрсатиб келмоқда. Футболчининг шартномаси бир йилдан кейин тугайди, бу эса етакчи клубларнинг қизиқишига сабаб бўлган.
Каталонияликлар Геррейрони 30 ёшдан ошган Жорди Албанинг ўрнини босувчи футболчи сифатида кўрмоқда.
Жорий мавсумда футболчи Бундеслигада 22 та ўйин ўтказиб, 4 та гол ва 2 та голли узатмани амалга оширди.
