"Bavariya" yarim himoyachisi Korentin Tolisso "Lion"ga qaytishga yaqin turibdi. Bild xabariga ko‘ra, fransuz klubi 27 yoshli yarim himoyachi bilan muzokaralarni ancha ijobiy ruhda davom ettirmoqda.
Tolissoning "Bavariya" bilan shartnomasi mavsum yakunlanganidan keyin tugaydi va klub rahbariyati yangi shartnoma bo‘yicha futbolchining moliyaviy talablarini qondirishga tayyor emas.
Yarim himoyachiga avvalroq Angliyaning “Liverpul” va Ispaniyaning “Real Madrid” klublari qiziqish bildirgan edi.
Joriy mavsumda futbolchi Bundesligada 14 ta o‘yin o‘tkazib, 2 ta gol urdi va 1 ta golli uzatmani amalga oshirdi.
