"Бавария" ярим ҳимоячиси Корентин Толиссо "Лион"га қайтишга яқин турибди. Bild хабарига кўра, француз клуби 27 ёшли ярим ҳимоячи билан музокараларни анча ижобий руҳда давом эттирмоқда.
Толиссонинг "Бавария" билан шартномаси мавсум якунланганидан кейин тугайди ва клуб раҳбарияти янги шартнома бўйича футболчининг молиявий талабларини қондиришга тайёр эмас.
Ярим ҳимоячига аввалроқ Англиянинг “Ливерпуль” ва Испаниянинг “Реал Мадрид” клублари қизиқиш билдирган эди.
Жорий мавсумда футболчи Бундеслигада 14 та ўйин ўтказиб, 2 та гол урди ва 1 та голли узатмани амалга оширди.
