"Barselona" "Napoli" yarim himoyachisi Fabian Ruisga qiziqish bildirmoqda. Bu haqda AS nashri xabar bermoqda.

Manba bergan ma’lumotlarga ko‘ra, "ko‘k-anorranglilar" 26 yoshli ispaniyalik yarim himoyachining transferi bo‘yicha rasmiy taklif tayyorlamoqda.

Italiya klubi o‘z futbolchisi bilan 60 million yevroga yaqin mablag‘ evaziga xayrlashishga tayyor.

Eslatib o‘tamiz, Fabian Ruisning Neapol klubi bilan shartnomasi 2023 yilning yoziga qadar tuzilgan. Joriy mavsumda u "Napoli" safida barcha turnirlar doirasida 37 ta o‘yinda maydonga tushib, 7 ta gol urdi va 5 ta golli uzatmani amalga oshirdi.

Transfermarkt tomonidan ispaniyalik yarim himoyachi 55 million yevroga baholangan.