"Chelsi" klubda bosh murabbiy Tomas Tuxel va himoyachi Markos Alonso o‘rtasida hech qanday ziddiyat yo‘qligini aytdi.
Alonso so‘nggi turda "Vulverxempton"ga qarshi o‘yinda tanaffusdan so‘ng almashtirildi. Insayderning so‘zlariga ko‘ra, o‘zgarishga tanaffus vaqtida Tuxel va Alonso o‘rtasida yuzaga kelgan janjal sabab bo‘lgan. Keyinroq "Chelsi" bu ma’lumotni inkor etib, Alonsoning o‘rnini egallashi taktika bilan bog‘liqligini aytdi.
Biroq yakshanba kuni "bo‘rilar" bilan o‘yindan so‘ng Tuxel dam olish kunini bekor qildi va rejadan tashqari mashg‘ulot o‘tkazdi.
"Vulverxempton" bilan o‘yinda London klubi ikki to‘p farqi bilan oldinda bo‘lgan bo‘lsada, raqiblarga hisobni tenglashtirishga imkon berdi.
