"Arsenal" hujumchisi Eddi Nketia Gana terma jamoasida o‘ynashni mumkin. Sababi Angliya terma jamoasi bosh murabbiyi Garet Sautgeyt futbolchini terma jamoaga chaqirishga shoshilmayapti.
Nketia 16 ta gol bilan 21 yoshgacha bo‘lgan Angliya terma jamoasi rekordchisi hisoblanadi. Biroq, bu kattalar jamoasiga chaqiruv olish uchun yetarli emas. Futbolchi Gana terma jamoasida o‘ynashga qaror qilishi kutilmoqda, deb xabar beradi Football.london.
Avvalroq Gana futbol assosiasiyasi hujumchi va uning oilasiga qayta-qayta murojaat qilib, uni Afrika davlati bayrog‘i ostida o‘ynashga uringani haqida xabarlar tarqalgan edi.
Joriy mavsumda futbolchi APLda 18 ta o‘yin o‘tkazib, 4 ta gol va 1 ta golli uzatmani amalga oshirdi.
