"PSJ" yarim himoyachisi Anxel di Mariya Lionel klub muxlislarining Messiga bo‘lgan munosabati haqida fikr bildirdi.
“Ular dunyoning eng yaxshi futbolchisiga nisbatan hushtakbozlik qilishyapti, bunga ishonish qiyin. Ammo Parijdagi muxlislar shunchalik talabchan va futbolga ishtiyoqli, biz esa Chempionlar ligasining 1/8 finalidan chiqib ketdik... Ularning hafsalasi pir bo‘lishi normal holat”, - dedi di Mariya.
Uning ta’kidlashicha, Messi muxlislarning g‘azabiga xotirjam munosabatda bo‘ldi.
«Leo bunday narsalarga e’tibor bermaydi, bu uning uchun kichik narsa. Bu futbol. Biz shunday bo‘lishi kerakligini bilamiz”, - dedi “PSJ” yarim himoyachisi.
Messi o‘tgan yozda tekinga "Barselona"dan Parij klubiga o‘tgan edi.
Joriy mavsumda futbolchi Liga 1da 24 ta o‘yin o‘tkazib, 4 ta gol urdi va 13 ta golli uzatmani amalga oshirdi.