"Tottenxem" himoyachisi Serxio Regilon Ispaniya chempionatiga o‘tishi mumkinligi haqida The Mirror nashri xabar bermoqda.

Manbaga ko‘ra, "Barselona" "Real" tarbiyalanuvchisi bo‘lgan futbolchini qo‘lga kiritish variantlarini ko‘rib chiqmoqda. Kataloniyalar "shporlar" himoyachisini Jordi Albaga o‘rinbosar sifatida ko‘rishmoqda.

Xabar qilinishicha, so‘nggi haftalarda London klubi bosh murabbiyi Antonio Konte bilan munosabatlari keskin yomonlashganidan keyin Regilon "ko‘k-anorranglilar"ning nishoniga tushgan.

Serxio 2020 yilda "Real" klubidan 30 million yevro evaziga "Tottenxem" jamoasiga o‘tgan edi. Uning shartnomasi 2025 yilgacha mo‘ljallangan.

Joriy mavsumda 25 yoshli ispaniyalik futbolchi klub safida barcha turnirlar doirasida 31 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Uning transfer narxi 28 million yevroni tashkil qiladi.