"Тоттенхэм" ҳимоячиси Серхио Регилон Испания чемпионатига ўтиши мумкинлиги ҳақида The Mirror нашри хабар бермоқда.
Манбага кўра, "Барселона" "Реал" тарбияланувчиси бўлган футболчини қўлга киритиш вариантларини кўриб чиқмоқда. Каталониялар "шпорлар" ҳимоячисини Жорди Альбага ўринбосар сифатида кўришмоқда.
Хабар қилинишича, сўнгги ҳафталарда Лондон клуби бош мураббийи Антонио Конте билан муносабатлари кескин ёмонлашганидан кейин Регилон "кўк-анорранглилар"нинг нишонига тушган.
Серхио 2020 йилда "Реал" клубидан 30 миллион евро эвазига "Тоттенхэм" жамоасига ўтган эди. Унинг шартномаси 2025 йилгача мўлжалланган.
Жорий мавсумда 25 ёшли испаниялик футболчи клуб сафида барча турнирлар доирасида 31 та ўйинда майдонга тушиб, 2 та гол урди ва 3 та голли узатмани амалга оширди. Унинг трансфер нархи 28 миллион еврони ташкил қилади.