"Real" yarim himoyachisi Isko faoliyatini "Sevilya" klubida davom ettirmoqchi.
Todofichajes nashrining xabariga ko‘ra, 30 yoshli futbolchi Madrid klubida kam o‘yin amaliyotiga ega bo‘layotganidan norozi bo‘lmoqda. Shu sababli, ispaniyalik futbolchi shu yilning yozida erkin agent sifatida "Sevilya"ga o‘tishi mumkin.
Iskoning "Sevilya"ga o‘tishi may oyi oxirida bo‘lib o‘tadigan Chempionlar ligasi finalidan so‘ng e’lon qilinadi.
Isko 2013 yildan beri "Real" futbolchisi sanaladi. U joriy mavsumda La Ligada 13 ta o‘yinda maydonga tushib, 1 ta gol urdi.
