"Inter" futbolchisi Ivan Perishich "neradzurri"ning Italiya Kubogidagi g‘alabasi haqida intervyu berdi. “Inter” “Yuventus”ni 4:2 hisobida mag‘lub etib, kubokni qo‘lga kiritdi. Perishich dubl qayd etdi.

"Inter" hech qachon taslim bo‘lmaydi. Ikkinchi bo‘lim boshida ikki bor gol o‘tkazib yubordik, uzoq vaqt ortda qoldik, lekin bir soniya ham o‘zimizga bo‘lgan ishonchni yo‘qotmadik. Hisob 2:2 ga aylangach, masalani g‘alaba bilan yakunlashimizga ishonchimiz komil edi. Bu jamoaning ruhi va o‘ziga xosligi bor.

Gollarimni va bu kubokni fantastik muxlislarimizga bag‘ishlayman. Ular har mavsum bizni sovrinlar bilan ko‘rishga loyiq”, - deydi xorvat.