"Интер" футболчиси Иван Перишич "нерадзурри"нинг Италия Кубогидаги ғалабаси ҳақида интервю берди. “Интер” “Ювентус”ни 4:2 ҳисобида мағлуб этиб, кубокни қўлга киритди. Перишич дубл қайд этди.

"Интер" ҳеч қачон таслим бўлмайди. Иккинчи бўлим бошида икки бор гол ўтказиб юбордик, узоқ вақт ортда қолдик, лекин бир сония ҳам ўзимизга бўлган ишончни йўқотмадик. Ҳисоб 2:2 га айлангач, масалани ғалаба билан якунлашимизга ишончимиз комил эди. Бу жамоанинг руҳи ва ўзига хослиги бор.

Голларимни ва бу кубокни фантастик мухлисларимизга бағишлайман. Улар ҳар мавсум бизни совринлар билан кўришга лойиқ”, - дейди хорват.