"Bavariya" hujumchisi Robert Levandovski rahbariyatga shartnomani uzaytirmasligini aytdi, deya xabar beradi jurnalist Kerri Xou.

Manbaning xabariga ko‘ra, futbolchi yozda Myunxen klubini tark etmoqchi. U bu qarorni bir necha oy oldin qabul qilgan. "Barselona" Robert faoliyatini davom ettirish uchun ustuvor variant sifatida qaralmoqda. Kataloniyaliklardan tashqari, "PSJ" ham polshalikka da’vogarlik qilmoqda.

Levandovski "Bavariya"da 2014 yildan beri to‘p tepadi. Bu vaqt ichida u “nemis mashinasi” safida 373 ta o‘yin o‘tkazib, 343 ta gol va 72 ta golli uzatmani amalga oshirgan. Nemis giganti bilan hujumchi sakkiz marta Germaniya chempioni bo‘ldi, uch marta Germaniya kubogini qo‘lga kiritdi va Chempionlar ligasi kubogini qo‘lga kiritdi.

Transfermarkt 33 yoshli polyakni 50 million yevroga baholamoqda.