"Бавария" ҳужумчиси Роберт Левандовски раҳбариятга шартномани узайтирмаслигини айтди, дея хабар беради журналист Керри Хоу.

Манбанинг хабарига кўра, футболчи ёзда Мюнхен клубини тарк этмоқчи. У бу қарорни бир неча ой олдин қабул қилган. "Барселона" Роберт фаолиятини давом эттириш учун устувор вариант сифатида қаралмоқда. Каталонияликлардан ташқари, "ПСЖ" ҳам польшаликка даъвогарлик қилмоқда.

Левандовски "Бавария"да 2014 йилдан бери тўп тепади. Бу вақт ичида у “немис машинаси” сафида 373 та ўйин ўтказиб, 343 та гол ва 72 та голли узатмани амалга оширган. Немис гиганти билан ҳужумчи саккиз марта Германия чемпиони бўлди, уч марта Германия кубогини қўлга киритди ва Чемпионлар лигаси кубогини қўлга киритди.

Трансфермаркт 33 ёшли полякни 50 миллион еврога баҳоламоқда.