"Real"ning braziliyalik himoyachisi Marselo yana bir mavsum jamoada qolish istagini bildirdi, deb xabar beradi Marca.

Braziliyalik futbolchining Madrid klubi bilan amaldagi shartnomasi 2022 yilning 30 iyuniga qadar amal qiladi. Madridning “Real” klubi 34 yoshli futbolchi bilan shartnomani uzaytirish istagi borligi haqida xabar bermadi. Klub rahbarlari mavsum yakunini kutmoqda. Ta’kidlanishicha, klub bir necha kunlardan so‘ng Garet Beyl, Isko, Marselo va Luka Modrichlar borasida qaror qabul qiladi. Beyl va Isko jamoani tark etishlari aniq, Modrichga esa rahbariyat tomonidan shartnomani uzaytirish taklifi bildirilgan.

Ma’lumot o‘rnida, Marselo joriy mavsumda La Ligada 11 ta o‘yinda maydonga tushib, 3 ta golga assistentlik qildi.