"Реал"нинг бразилиялик ҳимоячиси Марсело яна бир мавсум жамоада қолиш истагини билдирди, деб хабар беради Маrcа.
Бразилиялик футболчининг Мадрид клуби билан амалдаги шартномаси 2022 йилнинг 30 июнига қадар амал қилади. Мадриднинг “Реал” клуби 34 ёшли футболчи билан шартномани узайтириш истаги борлиги ҳақида хабар бермади. Клуб раҳбарлари мавсум якунини кутмоқда. Таъкидланишича, клуб бир неча кунлардан сўнг Гарет Бэйл, Иско, Марсело ва Лука Модричлар борасида қарор қабул қилади. Бэйл ва Иско жамоани тарк этишлари аниқ, Модричга эса раҳбарият томонидан шартномани узайтириш таклифи билдирилган.
Маълумот ўрнида, Марсело жорий мавсумда Ла Лигада 11 та ўйинда майдонга тушиб, 3 та голга ассистентлик қилди.
