"Barselona" sobiq hujumchisi va hozirda murabbiylik faoliyatini olib borayotgan Ronald De Bur o‘z vatandoshi Frenki De Yongning Kataloniya klubini tark etishi mumkinligi haqida fikr bildirdi.
"Buni moliyaviy tomondan muammoga yechim deb hisoblashsa, men tushunaman. Biroq De Yongni shunchaki qo‘yib yuborishmoqchi bo‘lishsa, buni tushunish qiyin. Frenki - juda yaxshi o‘yinchi. "Barselona" hozir asabiy holatda, odatda o‘yinchilarga bunday vaziyatda ko‘proq sabr tilagan bo‘lar edim.
Menimcha, kataloniyaliklarga Frenki kerak, u kelajak, u juda ko‘p qirrali o‘yinchi. Agar imkoniyat bo‘lsa, uni saqlab qolishlari kerak. De Yongda yarim ximoyachi uchun kerakli bo‘lgan hamma narsa bor", - dedi De Bur.
