"Барселона" собиқ ҳужумчиси ва ҳозирда мураббийлик фаолиятини олиб бораётган Роналд Де Бур ўз ватандоши Френки Де Йонгнинг Каталония клубини тарк этиши мумкинлиги ҳақида фикр билдирди.
"Буни молиявий томондан муаммога ечим деб ҳисоблашса, мен тушунаман. Бироқ Де Йонгни шунчаки қўйиб юборишмоқчи бўлишса, буни тушуниш қийин. Френки - жуда яхши ўйинчи. "Барселона" ҳозир асабий ҳолатда, одатда ўйинчиларга бундай вазиятда кўпроқ сабр тилаган бўлар эдим.
Менимча, каталонияликларга Френки керак, у келажак, у жуда кўп қиррали ўйинчи. Агар имконият бўлса, уни сақлаб қолишлари керак. Де Йонгда ярим химоячи учун керакли бўлган ҳамма нарса бор", - деди Де Бур.
