Britaniya OAVlari "Manchester Siti" yarim himoyachisi Raxim Sterling chempionatni o‘zgartirish istagi haqida xabar bermoqda. Futbolchi shartnoma yakunida shaharliklarni tark etishi mumkin.

Manbaning ta’kidlashicha, futbolchiga "Arsenal" va "Tottenxem" jiddiy qiziqish bildirayotganiga qaramay, Ispaniya yoki Italiya klublariga o‘tishi mumkin. Sterlingning klub bilan amaldagi shartnomasi 2023 yilning yoziga qadar tuzilgan. Futbolchining transfer narxi 85 million yevroni tashkil qiladi.

Joriy mavsumda Sterling barcha turnirlarda 46 ta o‘yinda maydonga tushib, 17 ta gol urishga erishdi. Shuningdek, futbolchi sakkizta golli uzatmaga ham ega.