Британия ОАВлари "Манчестер Сити" ярим ҳимоячиси Рахим Стерлинг чемпионатни ўзгартириш истаги ҳақида хабар бермоқда. Футболчи шартнома якунида шаҳарликларни тарк этиши мумкин.
Манбанинг таъкидлашича, футболчига "Арсенал" ва "Тоттенхэм" жиддий қизиқиш билдираётганига қарамай, Испания ёки Италия клубларига ўтиши мумкин. Стерлингнинг клуб билан амалдаги шартномаси 2023 йилнинг ёзига қадар тузилган. Футболчининг трансфер нархи 85 миллион еврони ташкил қилади.
Жорий мавсумда Стерлинг барча турнирларда 46 та ўйинда майдонга тушиб, 17 та гол уришга эришди. Шунингдек, футболчи саккизта голли узатмага ҳам эга.
