Kataloniyaning “Barselona” klubi himoyachisi Jerard Pike Yevropa Superligasining boshidayoq jamoatchilikning salbiy munosabati tufayli to‘xtab qolgan loyihasi haqida o‘z fikrlari bilan o‘rtoqlashdi.
«Menimcha, bunday qarorlar futbolni barbod qiladi. Bunday loyihalardan faqat top-klublar foyda ko‘radi. "Sevilya" va "Valensiya" kabi jamoalar yo‘q qilinadi.
"Barselona" va "Real" to‘g‘ri ish qilmayapti deb o‘ylayman. Ha, men o‘z klubimga qarshi chiqaman, lekin shu bilan birga ular nima uchun bunday qilishayotganini tushunaman. Xo‘jayinlar o‘z klublari qimmatroq bo‘lishini istashadi”, - dedi Pike Overlap bilan suhbatda.
