Hujumchi Antuan Grizmann yozda “Atletiko”ni tark etishi mumkin, deya xabar beradi COPE.

Manbaning xabariga ko‘ra, Madrid klubi 31 yoshli fransiyalik futbolchining "Barselona"dan olgan ijarasini uzaytirishdan bosh tortishi mumkin.

Shu bilan birga, "Atletiko" bu haqda hujumchini xabardor qilgan.

Qayd etilishicha, Grizmanning yiliga 18 million yevroga yaqin maoshi "matraschilar" uchun og‘irlik qilmoqda.

Eslatib o‘tamiz, 2021 yilning sentyabrida Madridning “Atletiko” klubi Grizmanni “Barselona”dan sotib olish majburiyati bilan bir yilga ijaraga olgan edi.

Shu bilan birga Madrid klubi hujumchining ijara muddatini yana bir mavsumga uzaytirish huquqiga ega. Fransiyalik futbolchining "Barselona"dagi tovon puli miqdori 40 million yevroni tashkil qiladi.