Ҳужумчи Антуан Гризманн ёзда “Атлетико”ни тарк этиши мумкин, дея хабар беради COPE.
Манбанинг хабарига кўра, Мадрид клуби 31 ёшли франциялик футболчининг "Барселона"дан олган ижарасини узайтиришдан бош тортиши мумкин.
Шу билан бирга, "Атлетико" бу ҳақда ҳужумчини хабардор қилган.
Қайд этилишича, Гризманнинг йилига 18 миллион еврога яқин маоши "матрасчилар" учун оғирлик қилмоқда.
Эслатиб ўтамиз, 2021 йилнинг сентябрида Мадриднинг “Атлетико” клуби Гризманни “Барселона”дан сотиб олиш мажбурияти билан бир йилга ижарага олган эди.
Шу билан бирга Мадрид клуби ҳужумчининг ижара муддатини яна бир мавсумга узайтириш ҳуқуқига эга. Франциялик футболчининг "Барселона"даги товон пули миқдори 40 миллион еврони ташкил қилади.
