"Lans" darvozaboni Jan-Lui Leka jarohati sabab mavsumning qolgan qismini o‘tkazib yuboradi. 36 yoshli fransuz barmog‘ini sindirib oldi.

L'Equipe nashri xabariga ko‘ra, Leka klub darvozabonlar murabbiyi Tyerri Malaspina bilan janjallashib qolgan va eshikni mushtlagan, natijada uning barmog‘i singan.

Klub voqea haqida izoh berishdan bosh tortdi. Biroq, bu haqida ichki tekshiruv o‘tkazilishi mumkin.

Joriy mavsumda Leka barcha musobaqalarda 28 ta o‘yinda maydonga tushdi va 37 ta gol o‘tkazib yubordi.