"Real" bosh murabbiyi Karlo Anchelotti Eden Azar keyingi mavsumda jamoada qolishini tasdiqladi. “Qaymoqranglilar” tarixidagi eng qimmat futbolchi bo‘lajak mavsumda optimal formada bo‘lishi va asosiy tarkibdan joy olish uchun kurashmoqchi.
"Eden Azar keyingi mavsumda "Real"da qoladi. Azarning rejasi aniq. U keyingi mavsumda o‘zining eng yaxshi o‘yinlarini ko‘rsatib, asosiy tarkib uchun kurashishni istaydi", - deya fikr bildiradi Anchelotti matbuot anjumanida.
Eslatib o‘tamiz, Eden Azar uzoq vaqt davomida bezovta qilgan jarohat tufayli mavsumning bahorgi qismini o‘tkazib yuborishga majbur bo‘lgandi. Belgiyalik bu mavsum Ispaniya chempionatida atigi bitta golli uzatmani amalga oshirdi.
