"Реал" бош мураббийи Карло Анчелотти Эден Азар кейинги мавсумда жамоада қолишини тасдиқлади. “Қаймоқранглилар” тарихидаги энг қиммат футболчи бўлажак мавсумда оптимал формада бўлиши ва асосий таркибдан жой олиш учун курашмоқчи.
"Эден Азар кейинги мавсумда "Реал"да қолади. Азарнинг режаси аниқ. У кейинги мавсумда ўзининг энг яхши ўйинларини кўрсатиб, асосий таркиб учун курашишни истайди", - дея фикр билдиради Анчелотти матбуот анжуманида.
Эслатиб ўтамиз, Эден Азар узоқ вақт давомида безовта қилган жароҳат туфайли мавсумнинг баҳорги қисмини ўтказиб юборишга мажбур бўлганди. Бельгиялик бу мавсум Испания чемпионатида атиги битта голли узатмани амалга оширди.
