"Everton" markaziy himoyachisi Jerred Brentueyt Ueyn Runining antirekordini takrorladi.
Bugun Angliya Premyer-ligasi doirasida "Brentford" jamoasiga qarshi o‘yinida 19 yoshli futbolchi uchrashuvning 18-daqiqasidayoq maydondan chetlatildi va bir kishi kam bo‘lib qolgan "Everton" muvaffaqiyatsizlikka uchradi - 2:3.
Opta portali ma’lumotlariga ko‘ra, Brentueyt 2002 yil dekabr oyida 17 yoshli Ueyn Runidan keyin APLda qizil kartochka olgan birinchi 20 yoshgacha bo‘lgan "Everton" o‘yinchisi bo‘ldi.
Jerred Brentueyt joriy mavsumda “Everton” safida barcha musobaqalarda 11 ta o‘yinda maydonga tushdi va o‘z hisobiga bitta gol yozdirib qo‘ydi.
