"Brentford" yarim himoyachisi Kristian Eriksen o‘zining kelajagi haqida fikr bildirdi.
Daniyalik futbolchining "Brentford" bilan shartnomasi shu yilning iyun oyida yakuniga yetadi. Klub 30 yoshli hujumkor yarim himoyachi bilan hamkorlikni davom ettirishni intiqlik bilan kutmoqda, biroq, Eriksenda boshqa takliflar ham bor.
Mish-mishlarga ko‘ra, Eriksen xizmatlariga "Tottenxem" va "Manchester Yunayted" klublari jiddiy qiziqish bildirmoqda.
"Menda turli xil takliflar bor, biz yakuniy qaror qabul qilishdan oldin ularni diqqat bilan o‘rganamiz. Men yana Chempionlar ligasida o‘ynashni xohlardim. Bu shart emas, lekin men bu qanchalik ajoyibligini bilaman” - dedi futbolchi Viaplay bilan suhbatda.
