"Брентфорд" ярим ҳимоячиси Кристиан Эриксен ўзининг келажаги ҳақида фикр билдирди.
Даниялик футболчининг "Брентфорд" билан шартномаси шу йилнинг июнь ойида якунига етади. Клуб 30 ёшли ҳужумкор ярим ҳимоячи билан ҳамкорликни давом эттиришни интиқлик билан кутмоқда, бироқ, Эриксенда бошқа таклифлар ҳам бор.
Миш-мишларга кўра, Эриксен хизматларига "Тоттенхэм" ва "Манчестер Юнайтед" клублари жиддий қизиқиш билдирмоқда.
"Менда турли хил таклифлар бор, биз якуний қарор қабул қилишдан олдин уларни диққат билан ўрганамиз. Мен яна Чемпионлар лигасида ўйнашни хоҳлардим. Бу шарт эмас, лекин мен бу қанчалик ажойиблигини биламан” - деди футболчи Viaplay билан суҳбатда.
