Dunyoning birinchi raketkasi serb Novak Jokovich Rimda (Italiya) "Masters" turkumiga kiruvchi turnir finalida g‘alaba qozongach, "Milan" futbol klubiga bo‘lgan muxlisligi haqida gapirdi.
Serbiyalik "rossonerilar"ga mamlakat chempionligini tiladi.
“Men “Milan” muxlisiman. Menejerim ham jamoaning aqldan ozgan muxlisi. Shuning uchun, bu kichik guruhda bizda umumiy birlik bor. Umid qilamizki, Italiya chempionligini yutamiz.
Barcha “Milan” muxlislari kabi biz ham shunday umid qilamiz, ammo oldinda hali ikkita o‘yin bor”, — dedi Jokovich matbuot anjumanida.
Bu fikrlarni Novak "Milan" - "Atalanta" bahsi avvalida aytib o‘tgandi. O‘yin esa milanliklarning 2:0 hisobidagi g‘alabasi bilan yakunlandi.
